الي اين

في اخر كلامي معكم في سطور قرار السابقه تحدثت عن الملل والفراغ العقلي والاكتئاب الذي يصيب اي سيده متزوجه ولديها اطفال ولاتعمل حيث انها متفرغه للبيت والاولاد .....وتعالوا نلقي نظره سريعه علي يوم في حياه تلك المراه الذي يبدا في الصباح الباكرللاستعداد للمدرسه, التمرين في النادي, المذاكره في البيت  وطبعا تحضير الطعام الذي يتخلل هذه الاوقات اليوم كله جري في جري ويعيني المدام مش عارفه تاخد نفسها وسط الزحمه اللي في جدولها البيتي ولو حصل وتوقفت ثواني لتسال نفسها هو انا عملت ايه لنفسي النهارده؟؟؟؟؟؟؟؟؟؟؟؟؟علامات استفهام كتيره فالحقيقه انها لم تفعل شيئا لنفسها لم تتوقف كثيرا امام المرآه لكي تتأنق فهي دائما في عجله من امرها واي جينز و تي شيرت يقضي الغرض..لم تستطع طوال اليوم التحدث تليفونيا الي صديقه فالوقت ضيق ولم يتسع لهذه الاستراحه مع الاصدقاء .....لم تعرف بالاحداث التي وقعت خلال اليوم لانها ببساطه لم تتمكن من مشاهده التلفزبون او تصفح الجرائد وطبعا موضوع الكمبيوتر والنت ده عايز ناس رايقه يعني من الاخر لاهي عارفه تكلم حد ولاعرفه تشوف تلفزيونو تليفونتها كلها خطف كده علي الموبايل غالبا وهي سايقه بتوصل الاولادوطبعا الحاجات دي كلها وخاصه مع التكرار اليومي بتضغط عليها و تخليها عصبيه طول النهار تصرخ:::::::::::هي تصرخ والاولاد بيصرخوا وحاجه اخر جنان .....شويه ويظهر الزوج المحترم راجع من الشغل مقضي يومه في هدوء بعيد عن البيت ودوشه الاولاد لكن طبعا راجع ياعيني مرهق ويقول الكلمتين اللي بيأثروا في المدام ده ان طول النهار مافضيتش لحظه الشغل كله كان فوق دماغي(طبعا كل زمايله اللي في الشغل قاعدين يقولوا نفس الكلمتين في بيوتهم) طبعا قبل مايخلص سرد ارهاقه تكون السفره جاهزه واول مايخلص غداه وقبل الاكل

 كان المفروض اكمل كلامي معاكم في موضوع نفض التراب من علي العقول لكن وانا بتصفح الجرائد امبارح  استفزني العنوان بتاع مؤتمر جودة التعليم خاصة ان الساده المسؤلين في الوزاره قرروا عقد المؤتمر بعد انتهائم من مزبحة الثانويه العامه الشهيره التي فاقت شهرتها مذبحة القلعة  بتاعة محمد علي لان الاخيره حدثت مره واحده اما الاخري تتكرر كل عام وبدون اي كلل او ملل من الساده المسؤليين المهم ان اكيد الساده المسؤلين في وزارة التعليم هيجتمعوا علشان يهنوا نفسهم علي نجاحهم الساحق في مذبحة السنه دي حيث انها مكتملة الجوانب ..الضحايا كتير الحمدلله الفضايح عدت مرحلة الجرائد وانتقلت للفضائيات بفضل مجهوداتهم الجبارهوالوزاره تؤكد في بيانتها الصادره يوميا ان كل شىء تمام وان الامتحانات اللي كانت سهله جدا خلصت بسلام وان كل اللي يبحصل مجرد شوشره من اعداء النجاح......طبعا انا عارفه ان كلامي وصلكم وحسيتوا بيه مش عشانه كلام كويس ولاحاجه بس علشان الغالبيه العظمي اكيد مرت يالمذبحه اقصدي يعني الثانويه ....والسؤال دلوقتي هو اللي احنا اتعلمناه في المدارس والجامعات الحكوميه العريقه استفادنه منه باي حاجه غير ان احنا اتعلمنا القراءه والكتابه والقعده علي الارصفه في الجامعه وهل فعلا ده يستحق التعب والمجهود المبذول في سنوات التعليم المختلفه طبعا انا بتكلم عن الناس اللي ذاكرت واجتهدت مش الكتاكيت اللي اشتروا الامتحانات بالفلوس واللي اكيد طبعا هينجحوا ويجيبوا مجاميع كووووول تدخلهم  كليات القمه الكول  وطبعا لو كان بابا بتعهم مرتاح شوويتين وله مكانه كده وشمخه في المجتمع يبقوا اكيد ضمنوا الكليه والوظيفه من بعدها....ويطلعوا لسانهم للوحشيين الياي اللي كانوا بيذكروا طول السنه ......وعجبي

قررت اليوم ان انزل عقلي من علي الرف وانفض عنه غبار السنوات الماضيه .....الجمله اللي فاتت مكلكعه كده ويمكن يكون دمها تقيل بس هي دي الحقيقه اللي بتحصل لاي حد لما يقعد فتره كبيره من غير ما يشتغل ويشغل مخه في حاجات مفيده ....طبعا دلوقت تقولو ايه المجنونه دي هي عايزه تقول ايه ....الحكايه وما فيها اني عايزه اعبر عن حالة الاكتاب والفراغ الي بتيجي للبنات بعد ما تتعب وتتعلم وتتخرج وتحلم بالعريس وتتجوز وتجيب اطفال حلوين تدوخ معاهم وتنسي كل حاجه وتركز اهتماماتها في البيت والزوج والاولاد وفجاه تلاقي انها نسيت نفسها واحلامها وتاهت وسط زحمة الحياه  

وللحديث بقيه